Vala Yates í Siglufjarðarkirkju


Vala Yates heldur tónleika í Siglufjarðarkirkju þriðjudaginn 25. júlí kl. 20.00. Vala er klassískt menntuð söngkona og tónskáld. Hún hefur tekið þátt í fjölda fjölbreyttra tónlistarviðburða, sem flytjandi jafnt sem höfundur – allt frá barrokk til nýklassíkur til popptónlistar – og má segja að tónlist hennar sé innblásin frá þessum ólíku áttum. Hún hefur unnið með popptónlistarmönnum á borð við Barða Jóhanns, Keren Ann Zeidel og Ólaf Arnalds, en stígur nú í fyrsta sinn fram með sitt eigið verkefni. Vala leitast eftir að semja einlæga tónlist beint frá hjartanu, þar sem jákvætt viðhorf fær að njóta sín í textasmíðum.

Tónleikarnir eru einir af sjö tónleikum sem Vala heldur á Norðurlandi í sumar. Dimitrios Theodoropoulos spilar með henni á gítar.

Miðaverð er 2.000 krónur. Athugið að enginn posi verður á staðnum.

Sjá líka hér, hér og hér.

Mynd og texti: Aðsent.


SIGLFIRÐINGUR.IS | Sími: 899 0278 | Netfang: sae@sae.is