Upphitunarganga laugardaginn 7. júní


Gestur og Hulda ætla að fara í svokallaða upphitunargöngu fyrir sumarið.
Farið verður laugardaginn 7. júní og mæting er klukkan 10:00 við skíðaskálann í Skarðsdal. Áætlað er að
ganga út Siglufjarðarfjöllin og koma niður í Hvanneyrarskál.

Þar sem meirihluti leiðarinnar er genginn á snjó þarf að vera vel útbúinn til fóta, með legghlífar og góðan skóbúnað og gott er líka að vera með göngustafi.

Nauðsynlegur búnaður:

  • Sólarvörn og sólgleraugu ef það verður sól.
  • Smá nesti í bakpokann er æskilegt og svo þarf að hafa í huga að gott er að hafa með sér skel eða annað sem gott er að fara í ef fer að blása.

Áætlaður göngutími er 4-5 klukkustundir og gangan er ókeypis.

Gestur og Hulda benda þeim sem ætla að taka þátt í göngunni á síðuna mfbm.is sem er síðan fyrir styrktarfélagið ?Meðan fæturnir bera mig?. Safnað er áheitum fyrir langveik og/eða fötluð börn.

Farið er inn á síðuna, smellt á flipann ?Skráning? og þá kemur upp ?Skráning í víðavangshlaup á Siglufirði?.

Vonandi taka sem flestir þátt, bæði í víðavangshlaupinu og í fjallgöngunni og styrkja þetta góða málefni.

Gestur og Hulda,

http://TopMountaineering.is

Myndir og texti: Aðsent.

image_print

SIGLFIRÐINGUR.IS | Sími: 899 0278 | Netfang: sae@sae.is