Ungmennafélagar í fjöruhreinsun


Á Facebooksíðu Ungmennafélagsins Glóa kemur fram að á sunnudag hafi stjórnarfólk og fleiri hreinsað fjöruna „út í Bakka“ og Hvanneyrarkrókinn. Þar var þó nokkuð af rusli, mest plast, járn og netadræsur. Á síðunni segir: „Þetta er ekki í fyrsta sinn sem félagsmenn í Glóa huga að umhverfismálum því áður hefur verið farið í svipaðar hreinsunarferðir og svo er félagið með reit í Skógrækt Siglufjarðar þar sem það hefur plantað um 1.000 plöntum. Plönturnar hafa dafnað vel og veita nú m.a. golfurum sem spila á nýja golfvellinum skjól fyrir norðanáttinni þegar þeir leika holu 5. Hyggst félagið gera meira af slíku í framtíðinni því öll þurfum við jú að skila okkar í þessum málum. Svo er útiveran svo bráðholl og samveran góð.“

Mynd: Af Facebooksíðu Glóa.
Texti: Sigurður Ægisson | sae@sae.is / Glói.

image_print

SIGLFIRÐINGUR.IS | Sími: 899 0278 | Netfang: sae@sae.is