Tónleikar í Bátahúsinu


Auk þess að vænta má góðrar almennrar aðsóknar á tónleika Steindórs Andersen og Hilmars Arnar Hilmarssonar í Bátahúsinu á föstudaginn kemur kl. 20.00 ? þá er framhaldsskóla- og grunnskólanemendum Fjallabyggðar boðið sérstaklega á tónleikana.

Steindór hefur verið kallaður frægasti kvæðamaður í heimi. Um leið og í því felst svolítil glettni þá er það ekki síður í alvöru sagt. Steindór ferðaðist víða um jarðarkringluna með hljómsveitinni Sigurrós, kom fram á tónleikum hennar og flutti jafnan nokkur kvæðalög við undirleik þeirra Sigurrósarmanna ? af því öðlaðist hann frægð.

Með þessu boði vill framkvæmdastjórn Landsmóts kvæðamanna kynna ungu fólki hinn dásamlega þjóðlagaarf okkar og eru allir nemendur í Fjallabyggð, hvort sem þeir eru í verkfallsfríi eða ekki, hvattir til að mæta á tónleikana. Bent skal á að 12 ára börn og yngri verða að vera í fylgd fullorðinna.

Mynd: Aðsend.

Texti: Örlygur Kristfinnsson | orlygur@sild.is.


SIGLFIRÐINGUR.IS | Sími: 899 0278 | Netfang: sae@sae.is