Tilkynning um fjáröflun


Skíðafélag Siglufjarðar Skíðaborg (SSS) fer í æfingaferð til Austurríkis í byrjun árs 2015. Iðkendur félagsins munu af því tilefni efna til fjáröflunar dagana 12.-21. september næstkomandi og ganga í hús hér á Siglufirði og selja Fyrstu hjálpar töskur. Þær eru CE merktar ásamt því að vera með þýska DIN gæðastaðlinn. Læknar hafa valið í þær og eru þær fluttar inn með leyfi Landlæknisembættisins.

 

Um er að ræða minni tösku sem kostar 1.000 kr. og er tilvalið að hafa í öðrum töskum, s.s. skólastösku, sundtösku og handtösku. Taskan inniheldur plástra, sárabindi, grisju, einnota hanska, sótthreinsandi blautþurrkur, sápublautþurrkur, límband og eyrnapinna.

 

Stærri taskan kostar 2.000 kr. og er kjörin í bílinn, fjargöngur og styttri fjallaferðir þar sem hún er með mittisbelti. Hún inniheldur allt það sama og minni taskan og auki auk þrihyrndan fatla, hitateppi, töng og skæri.

 

Þessar töskur eru alveg tilvaldar til jólagjafa og annarra tækifærisgjafa.

Stærri mynd hér.

Mynd og texti: Aðsent.


SIGLFIRÐINGUR.IS | Sími: 899 0278 | Netfang: sae@sae.is