Það vantar fólk á Sigurvin


Björgunarsveitin Strákar óskar eftir mönnum í áhöfn Björgunarskipsins Sigurvins.

Eins og allir vita þarf starfsemi björgunarskips eins og Sigurvin er að vera í föstum og góðum skorðum til þess að öryggi sjófarenda sé sem mest. Erfitt hefur verið að manna skipið upp á síðkastið og hefur það að mestu leyti verið á herðum 2-4 manna sem er einfaldlega ekki nóg.

Reynt hefur verið að virkja fleiri í áhöfn skipsins en það hefur gengið upp og ofan og þar af leiðandi leitum við til ykkar með von um að við fáum fleiri virka félaga.

Okkar vantar sérstaklega menn með vélstjórnar- og skipstjórnarréttindi sem geta gefið sér tíma í það að vera í áhöfn skipsins.

Ef þú hefur áhuga mátt þú endilega senda okkur línu á kveldulfur@simnet.is.

Virðingarfyllst og með góðum kveðjum,

Jón Hrólfur Baldursson, formaður Björgunarsveitarinnar Stráka

Mynd: Sigurður Ægisson | sae@sae.is. Úr safni.
Texti: Jón Hrólfur Baldursson.


SIGLFIRÐINGUR.IS | Sími: 899 0278 | Netfang: sae@sae.is