Sunnudagskaffi í Alþýðuhúsinu


Í Sunnudagskaffi með skapandi fólki í Alþýðuhúsinu á Siglufirði 3. júní kl. 14.30–15.30 mun Pía Rakel Sverrisdóttir vera með erindi sem ber yfirskriftina THE CIRCLE OF MY LIFE. Hún mun fara yfir helstu þætti í vinnu sinni og sýna myndir af verkunum sem aðallega eru unnin í gler. Nálægðin við náttúru Íslands, skriðjökla, vatn, ís og hraun hafa verið henni uppspretta listsköpunar sem sjá má glöggt í verkunum.

Pía hefur búið og starfað í Kaupmannahöfn við glerlist og hönnun í yfir 40 ár. Einnig á hún aðsetur í Kjósinni og kynntist Siglufirði sem barn á sumrin. Í maí 2015 dvaldi hún sem gestalistamaður í Herhúsinu á Siglufirði og hefur síðan verið með annan fótinn á Siglufirði.
Sjá nánar á http://arcticglass.dk/.

Boðið verður upp á kaffi og meðlæti og eru allir velkomnir.

Fjallabyggð, Uppbyggingasjóður og Egilssíld styrkja menningarstarf í Alþýðuhúsinu á Siglufirði.

Mynd og texti: Aðsent.

image_print

SIGLFIRÐINGUR.IS | Sími: 899 0278 | Netfang: sae@sae.is