Strandblaksmót á mánudaginn


Paramót í strandblaki mun fara fram mánudaginn 6. júlí næstkomandi á strandblaksvellinum á Siglufirði. Mótið er öllum opið en grunnreglurnar eru eftirfarandi:
Pör þurfa að skrá sig til leiks (karl og kona eða kona og kona).
Hver leikur er ein (1) hrina upp í 21 (vinna með einu).
Mótafyrirkomulag ræðst af fjölda para sem skrá sig en stefnt er að því að mótið verði deildarskipt í ár og að það hefjist kl. 18.00.
Kostnaður á par er 3.000 kr. og greiðist á mótsstað en áður en mótið hefst. Pör eru vinsamlegast beðin um að senda skráningu á mótsstjóra (oskar@mtr.is eða 699-8817) og æskilegt er að það komi fram hvenær viðkomandi par getur hafið leik (klukkan hvað) ásamt GSM númeri hjá öðrum aðilanum (þannig að við getum sent viðkomandi hvenær mótið hefst og hvenær áætlað er að fyrsti leikur parsins sé). Skráningu á mótið lýkur kl. 19.00 sunnudaginn 5. júlí.
Deildarskipting og leikjaplan mun birtast á Facebooksíðum á mótsdag.
Hlökkum til að sjá alla í blíðunni á Sigló.

Undirbúningshópurinn

Mynd: Fengin af Netinu.
Texti: Aðsendur.

image_print


SIGLFIRÐINGUR.IS | Sími: 899 0278 | Netfang: sae@sae.is