Stekkjastaur kemur til byggða upp úr miðnætti


Stekkjastaur, jólasveinninn stirði, kemur fyrstur þrettán bræðra sinna
til byggða upp úr miðnætti og færir þægum börnum gjöf í skó. Hann var sagður
sjúga mjólk úr kindum en hafði staurfætur á báðum svo heldur gekk það
brösuglega. Stekkur er gamalt heiti á sérstakri fjárrétt og þaðan dregur
sveinninn nafn sitt.

Stekkjastaur kom fyrstur, 


stinnur eins og tré. 


Hann laumaðist í fjárhúsin 


og lék á bóndans fé.


Hann vildi sjúga ærnar,


- þá varð þeim ekki um sel, 


því greyið hafði staurfætur, 


– það gekk nú ekki vel.

(Jólasveinavísa / Jóhannes úr Kötlum)

Mynd og prósatexti: Birt með góðfúslegu leyfi Mjólkursamsölunnar. Sjá nánar á http://www.jolamjolk.is/

Vísur: Jóhannes úr Kötlum, úr bókinni Jólin koma (1932). Þær eru líka á http://johannes.is/jolasveinarnir/


SIGLFIRÐINGUR.IS | Sími: 899 0278 | Netfang: sae@sae.is