Stefnt að því að ráða um 20 manns


?Að sögn Jóns Páls Kristóferssonar, rekstrarstjóra, er unnið að því að
fjölga fólki í fiskvinnslu Ramma í Þorlákshöfn en hann á von á að a.m.k.
20 manns verði ráðnir á næstu tveimur mánuðum. Síðustu mánuðina hafa
þorskur og karfi verið unnin í fiskvinnslu Rammans í Þorlákshöfn.
Karfinn er flakaður og fluttur út ferskur eða frystur en þorskurinn
flakaður, léttsaltaður og frystur fyrir Suður-Evrópumarkað. Humarveiðar-
og vinnsla hefjast svo að venju í aprílmánuði,? segir á vefmiðlinum
Sunnlenska.is í dag.

?Jón sagðist eiga von á því að humarvertíðin yrði með líku sniði og síðasta ár enda  kvótastaðan svipuð. Varðandi söluhorfur sagði hann að rólegt hefði verið á mörkuðum úti  í byrjun árs sem er hefðbundið en salan hefði gengið vel í fyrra og ekki annað fyrirsjáanlegt í ár. Þá má geta þess að Múlabergið fer á rækjuveiðar innan skamms og landar í rækjuvinnslu Ramma á Siglufirði.?

Sjá upphaflega færslu hér.

Í vinnslusal Ramma í Þorlákshöfn.

Mynd og texti: Sunnlenska.is


SIGLFIRÐINGUR.IS | Sími: 899 0278 | Netfang: sae@sae.is