Símabingó skíðafélagsins


Skíðafélag Siglufjarðar er að skella á Símabingói nú í byrjun desember. Símabingó er venjulegt bingó, eini munurinn er sá að spilað er heima. Á hverjum seldum miða eru þrjú bingóspjöld. Nóg er að fylla eitt spjaldanna til að fá bingó. Fyrstu tölur verða dregnar út fimmtudaginn 8. desember.

Tölur verða lesnar inn á símsvaranúmer 871-0053, klukkan 18.00 daglega og einnig verða tölurnar hengdar upp í Samkaupum/Úrvali á Siglufirði.

Gengið verður í hús á Siglufirði og spjöldin seld. Einnig verður Siglósport með spjöld til sölu. Fimmtán glæsilegir vinningar, t.d. hótelgisting, árskort í Skarðið, matur úr Samkaupum/Úrvali, fatnaður, ilmir og ýmis gjafabréf.

Renningurinn með þrem spjöldum kostar 1.500 krónur.

Ítarlegri upplýsingar eru á fylgiblaði með Bingó-spjöldunum.

Tökum vel á móti skíðakrökkunum!

Þökkum öllum okkar styrktaraðilum fyrir veittan stuðning!

Skíðafélag Siglufjarðar Skíðaborg

Mynd og texti: Aðsent.


SIGLFIRÐINGUR.IS | Sími: 899 0278 | Netfang: sae@sae.is