Síldarævintýrið lifir


„Uppi hafa verið vangaveltur á meðal fólks hvort hið árlega Síldarævintýri um Verslunarmannahelgina verði í ár. Því er til að svara að svo verður og er verið að vinna á fullu í því að setja saman dagskrá. Líkt og fyrri ár er áherslan lögð á fjölbreytta fjölskyldudagskrá.“

Þetta segir á heimasíðu Fjallabyggðar.

Og áfram:

„Sú breyting verður þó á Síldardögum sem hafa byrjað helgina á undan Síldarævintýrinu að settir verða á svokallaðir TRILLUDAGAR. Þá munu trillusjómenn og ferðaþjónustuaðilar sem eru með bátaferðir bjóða gestum í smá siglingu út fjörðinn og leyfa fólki að renna fyrir fisk. Gestum stendur svo til boða að grilla veiðina þegar komið er í land. Eitt og annað verður í boði þessa helgi og verður öllum bæjarbúum og gestum boðið í grill í boði Samkaup-Úrval milli kl. 16:00-18:00 laugardaginn 23. júlí.“

Mynd: Úr safni.
Texti: Fjallabyggð.is / Sigurður Ægisson | sae@sae.is.



SIGLFIRÐINGUR.IS | Sími: 899 0278 | Netfang: sae@sae.is