Siglufjarðarkirkja opin ferðamönnum og öðrum í sumar


Í mörg ár hafði staðið til að hafa
Siglufjarðarkirkju opna yfir sumartímann,
enda margur ferðamaðurinn sem þar gekk að dyrum, í von um að komast
inn til að skoða þetta mikla og fagra guðshús. Fyrir ýmissa hluta sakir
var ekki unnt að láta verða af þessu fyrr en sumarið 2013. Þá var hún opin í mánuð. Í dag var svo
opnað á ný og verður opið frá kl. 13.00 til 17.00 alla daga, virka og
helga, út ágústmánuð, svo fremi að ekki séu
þar
athafnir í gangi eða kirkjan upptekin út af einhverju öðru, s.s.
tónleikum.

Tveir þaulreyndir piltar sjá um gæsluna virka daga, í boði sveitarfélagsins Fjallabyggðar, og Félag eldri borgara á Siglufirði sem og Systrafélag Siglufjarðarkirkju munu sjá um gæslu um helgar, endurgjaldslaust.

Sjá líka hér.

Siglufjarðarkirkja einn fagran dag fyrir nokkrum árum.

Hún var opnuð ferðamönnum og öðrum í dag og nýttu fjölmargir sér það, Íslendingar sem útlendingar.

Hún verður opin frá 13.00-17.00 alla daga í sumar, út ágústmánuð.

Kirkjan að innan.

Horft í vestur.

Horft í austur.

Myndir og texti: Sigurður Ægisson | sae@sae.is.


SIGLFIRÐINGUR.IS | Sími: 899 0278 | Netfang: sae@sae.is