Siglufjarðarkirkja á morgun


Klukkan 08.00 í fyrramálið, páskadag, verður hátíðarguðsþjónusta í Siglufjarðarkirkju, með tónlagi sr. Bjarna Þorsteinssonar. Kirkjukór Siglufjarðar syngur. Auk þess mun Tinna Hjaltadóttir, 7 ára gömul, flytja lagið Hallelúja eftir Leonard Cohen með íslenskum texta Jóhönnu Friðriku Karlsdóttur, við gítarundirleik Rodrigo J. Thomas, sem jafnframt er kórstjóri og orgelleikari.

Hér má líta inn á æfingu þeirra í gær.

Að guðsþjónustunni lokinni býður Systrafélags Siglufjarðarkirkju til veislu uppi í safnaðarheimili, eins og verið hefur undanfarna áratugi.

Klukkan 10.30 verður svo helgistund á sjúkrahúsinu.

Mynd, texti og upptaka: Sigurður Ægisson | sae@sae.is.



SIGLFIRÐINGUR.IS | Sími: 899 0278 | Netfang: sae@sae.is