Saltkjöt og baunir


Upp er runninn sprengidagur. Og gott er saltkjötið sem Aðalbakarinn á Siglufirði er að selja tilbúið í hádeginu í fyrsta skipti í dag og miðað við viðtökur fólks á öllum aldri er ljóst að þessi nýjung er komin til að vera.

Ýmsan fróðleik um sprengidag má lesa hér, en sá texti er fenginn af Wikipediu.

Á Vísindavefnum segir aukinheldur: „Líklegt er að kjötátið sem tengist þessum degi eigi rætur að rekja til katólsku. Fasta katólskra byrjar einmitt daginn eftir og þá borða þeir ekki kjöt svo sem kunnugt er. Íslenska heitið, sprengidagur, er þekkt frá átjándu öld. Það tengist sjálfsagt kappsfullu áti í huga margra en líklegt er að sú hugmynd sé alþýðuskýring. Hitt er líklegra að nafnið beri að rekja til þeirrar katólsku venju að stökkva vatni á kirkjugesti þennan dag. Dagar sem slíkur siður fylgir heita á þýsku „Sprengtag“ og hefði það heiti getað borist til Íslands með þýskum biskupum eða kaupmönnum á síðmiðöldum.“

Mynd og texti: Sigurður Ægisson | sae@sae.is.



SIGLFIRÐINGUR.IS | Sími: 899 0278 | Netfang: sae@sae.is