Salthúsið í heila höfn


Snemma morguns 17. júní lagðist Keilir SI að Óskarsbryggju eftir átta og hálfs tíma siglingu frá Akureyri með flutningspramma í eftirdragi. Þá var sólarhringur liðinn frá því þeir flutningsmenn hófu að hífa gólfeiningarnar úr fyrri ferðinni upp á bryggju. Þunglestaður pramminn í eigu Stefáns Einarssonar frá Siglunesi stóðst væntingar og því betur sem undiraldan óx undir lok ferðar.

Meðfylgjandi myndir tók Guðný Róbertsdóttir þegar þessu flutningsævintýri lauk og Salthúsið var komið til nýrra heimkynna á Siglufirði. Þess má geta að þetta stóra geymsluhús var byggt á Suðureyri í lok 19. aldar, síðar endurbyggt á Patreksfirði og í þriðja sinn á Akureyri 1946 – þannig að ferðin nú var a.m.k. fjórða sjóferð húsviðanna.

Salthúsið er samvinnuverkefni Síldarminjasafnsins og Þjóðminjasafns Ísland en það hafði um skeið uppi áform um að nýta það á Akureyri sem þjónustuhús fyrir Norðurland.

Sjá líka hér (frá 20. september 2013), hér (frá 19. janúar 2014), hér (frá 26. maí 2014) og hér (frá 15. júní 2014).

Lagst að bryggju í hinni skjólgóðu höfn.

Sigurður Jónsson frá Eyri var mættur á bryggjunni og batt við fast.

Leiðangursstjórar, Örlygur og Gunnar Júlíusson, ræðast við.

 Í morgunsólinni.

Sigurður og tveir flutningsmanna, Jón Ragnar Daðason bátasmiður

og Orri Wolfram Jörgensson 2. stýrimaður, dóttursonur Gunnars.

Myndir: Guðný Róbertsdóttir | gudnyro@simnet.is.

Texti: Örlygur Kristfinnsson | orlygur@sild.is.


SIGLFIRÐINGUR.IS | Sími: 899 0278 | Netfang: sae@sae.is