Rit um gönguleiðir í Fjallabyggð – Kynning á Siglufirði 16. júní


Fjallabyggð og Fljót

Fallegt og fróðlegt rit sem hentar vel að taka meðferðis í stuttar og lengri leiðir.
Mynd: fi.is

Í vikunni gaf Ferðafélag Íslands út rit um gönguleiðir í Fjallabyggð og Fljótum. Höfundurinn ritsins er Siglfirðingurinn Björn Z. Ásgrímsson. Heiti þess er Fjallabyggð og Fljót – 25 gönguleiðir um fjallstinda og fjallaskörð.

Þetta er fallegt og fróðlegt rit sem hentar vel að taka meðferðis í stuttar og lengri leiðir. Þar eru gagnlegar lýsingar allra leiða ásamt kortum með GPS punktum.

Einnig er fjöldi fallegra ljósmynda í ritinu og annar fróðleikur tengdur gönguleiðunum.

Í frétt á fi.is kemur fram að Björn hefur unnið að ritinu sl. tvö ár og vill fagna þessum tímamótum með kynningu á bókinni á Hótel Sigló sunnudaginn 16. júní kl. 15.00.

Allir hjartanlega velkomnir.

Loftmynd af Siglufirði: Ingvar Erlingsson. Úr safni.

image_print

SIGLFIRÐINGUR.IS | Sími: 899 0278 | Netfang: sae@sae.is