Rekstur Fjallabyggðar í plús


Alls var 220 milljóna króna afgangur á rekstri Fjallabyggðar í fyrra, samkvæmt ársreikningi sem var lagður fram á bæjarstjórnarfundi í gær. Rekstrartekjur A og B hluta bæjarins voru tæpir 2,3 milljarðar króna, nær 300 milljónum hærri en árið áður. Rekstrarkostnaður nam tveimur milljörðum og hækkaði um 240 milljónir milli ára. Skuldir sem hlutfall af tekjum lækkaði úr 65 prósentum árið 2014 í 56 prósent í fyrra. Stefnt er að því að lækka vaxtaberandi skuldir enn frekar í ár. Rúv.is greindi frá þessu í dag.

Mynd: Sigurður Ægisson | sae@sae.is.
Texti: Rúv.is / Sigurður Ægisson | sae@sae.is.


Tagged:


SIGLFIRÐINGUR.IS | Sími: 899 0278 | Netfang: sae@sae.is