Paramót Sigló Hótels í blaki


Hið árlega Paramót Sigló Hótels í blaki fer fram á föstudaginn langa (25. mars) í íþróttahúsinu á Siglufirði. Mótið er haldið til styrktar Strandblaksvellinum á Siglufirði og er öllum opið en grunnreglurnar eru eftirfarandi:

  • Pör þurfa að skrá sig til leiks (karl og kona eða kona og kona).
  • Dregið verður í lið fyrir hverja hringu (þrjú pör mynda lið).
  • Hver hrina er spiluð upp í 15 og nóg er að vinna með einu stigi.
  • Spilaðar verða a.m.k. 8 hrinur en fjöldi hrina fer eftir fjölda para.

Verðlaun verða veitt efsta parinu og svo verða ýmsir happdrættisvinningar dregnir út.

Mótið hefst kl. 16.00 en hægt er að mæta í upphitun kl. 15.30, og því lýkur um kl. 18.00 (gríðarlega mikilvægt að þátttakendur séu mættir tímanlega). Kostnaður á par er 5.000 kr. og greiðist á mótsstað en áður en mótið hefst. Pör eru vinsamlegast beðin um að senda skráningu á mótsstjóra (oskar@mtr.is eða 848-6726) sem fyrst þar sem einungis 36 pör geta tekið þátt á mótinu.

Nú er um að gera að taka frá nokkrar klukkustundir föstudaginn langa og mæta með góða skapið í íþróttahúsið og njóta góðrar samverustundar og um leið styrkja gott málefni.

Með blakkveðju, Óskar Þórðarson

Mynd: Fengin af Netinu.
Texti: Aðsendur.



SIGLFIRÐINGUR.IS | Sími: 899 0278 | Netfang: sae@sae.is