Ofurmáni á himni næstu helgi


Sannkallaður ofurmáni mun skína hátt á
himni næstkomandi laugardag, þann 19. mars, en þá verður tunglið fullt
og verður talsvert nær jörðu en vaninn er. Ýmsar kenningar eru til um
ofurmánann. Sumir telja að honum fylgi náttúruhamfarir á borð við
jarðskjálfta, fellibyli og eldgos.

Á laugardaginn verður fjarlægð á milli jarðar og tungls 356.577 kílómetrar. Yfirleitt er fjarlægðin um 384.000 kílómetrar. Máninn var síðast svo nálægt jörðu árið 1992, en þetta gerist um það bil 19. hvert ár.

Þegar ofurmáni var síðast á himni fyrir 19 árum, geisaði fellibylurinn
Andrew, en hann olli miklum usla í Flórída, þar sem yfir 200.000 manns
misstu heimili sín af völdum hans.

Árið 1974 létust 71 í fellibyl í bænum Darwin í Ástralíu. Þá var
ofurmáni á himni og árið 1955 gaus eldfjallið Cotacatchti í Ekvador.
Þann daginn var fjarlægðin á milli tungls og jarðar sú sama og hún
verður næstkomandi laugardag.

Næsti ofurmáni er síðan væntanlegur árið 2029.

Margar sögur tengjast ofurmána og fullu tungli.

[Fréttin birtist upphaflega á Mbl.is í dag, 12. mars, kl. 15.24. Endurbirt hér með leyfi.]

Mynd og texti: Mbl.is


SIGLFIRÐINGUR.IS | Sími: 899 0278 | Netfang: sae@sae.is