Merkjasala Systrafélagskvenna


Systrafélag Siglufjarðarkirkju er að hefja sína árlegu merkjasölu. Gengið verður í hús á Siglufirði og nýja merkið boðið til sölu. Vonast félagið til að íbúar bæjarins taki jafn vel á móti Systrafélagskonum og verið hefur undanfarin ár.

Eina markmið Systrafélagsins er að styðja og hlúa að kirkjunni okkar, Siglufjarðarkirkju, og hefur félagið m.a. fjármagnað þær endurbætur sem gerðar hafa verið á kirkjuloftinu. Einnig hefur Systrafélagið hlúð að því barnastarfi sem fram fer í kirkjunni og svo mörgu öðru. Nú er komið að framkvæmdum á nýju eldhúsi í safnaðarheimilinu.

Merkið kostar litlar 1.000 krónur.

 

Mynd og texti: Sigurður Ægisson | sae@sae.is.



SIGLFIRÐINGUR.IS | Sími: 899 0278 | Netfang: sae@sae.is