Merkjasala Systrafélagskvenna


Systrafélag Siglufjarðarkirkju er að hefja sína árlegu merkjasölu. Gengið verður í hús í Siglufirði á næstunni og nýja merkið boðið til sölu. Á það er letrað: Siglufjarðarkirkja 1932-85 ára-2017. Vonast félagið til að íbúar bæjarins taki jafn vel á móti Systrafélagskonum og verið hefur undanfarin ár.

Eina markmið Systrafélagsins er að styðja við og hlúa að kirkjunni okkar. Þess má geta, að þegar turninn var málaður að utan fyrr í sumar greiddi félagið að stærstum hluta kostnaðinn. Einnig hefur Systrafélagið hlúð að því barnastarfi sem fram fer í kirkjunni og svo mörgu öðru. Nú er komið að framkvæmdum á nýju eldhúsi í safnaðarheimilinu.

Merkið kostar litlar 1.000 krónur.

Mynd og texti: Sigurður Ægisson | sae@sae.is.


SIGLFIRÐINGUR.IS | Sími: 899 0278 | Netfang: sae@sae.is