Mánabergslöndun í Þorlákshöfn í dag


?Í nótt kom Mánaberg ÓF 42 til hafnar í Þorlákshöfn með góðan
úthafskarfaafla af Reykjaneshrygg og er honum landað í dag. Í skipinu
eru 257 tonn af afurðum, sem svarar til 436 tonna afla upp úr sjó.
Mánaberg millilandaði í Reykjavík 20. júní s.l. svipuðu magni og hélt
þaðan á úthafskarfamiðin og kláraði veiðiferðina sem fyrr segir s.l.
nótt. Heildaraflinn í þessum tvískipta úthafskarfatúr er því um 870 tonn
upp úr sjó að verðmæti kr. 300 milljónir,? segir í nýrri frétt sem var að birtast á heimasíðu Ramma hf.

?Úthafskarfaveiðar hafa gengið vel á  vertíðinni og varð heildarafli Mánabergs 1.311 tonn. Þegar hafnarfríi áhafnarinnar lýkur er næsta verkefni að reyna við makrílinn í fyrsta sinn. Ágæt makrílveiði hefur verið úti fyrir öllu Suðurlandi að undanförnu.?

Sjá hér.

Landað úr Mánabergi í Þorlákshöfn í dag.

 

Karfanum komið fyrir í gámi. Á myndinni má sjá að karfatrollið er komið í land.

Myndir: Rammi hf.

Texti: Rammi hf. / Sigurður Ægisson | sae@sae.is


SIGLFIRÐINGUR.IS | Sími: 899 0278 | Netfang: sae@sae.is