Kveðja og þakkir frá Strákum

Þann 11. febrúar, á 112 daginn, voru haldnir styrktartónleikar í Siglufjarðarkirkju þar sem úrvalslið tónlistarfólks í Fjallabyggð kom fram og skemmti bæjarbúum. Ágóði tónleikanna var nýttur til kaupa á sérhæfðum fyrstuhjálparbúnaði í bifreiðar björgunarsveitarinnar og í dag afhenti Þorsteinn Sveinsson, skipuleggjandi tónleikanna, Magnúsi Magnússyni formanni Stráka búnaðinn fyrir hönd tónlistarfólksins sem kom fram á tónleikunum.

Fyrir ágóðann voru m.a. keyptar þrjár fullbúnar sjúkratöskur með endurlífgunar- og sárabúnaði, spelkur fyrir handa- og fótameiðsli, sjúkrateppi og fullkomin vacumdýna til flutnings á sjúklingum. Þetta er frábær viðbót við búnað sveitarinnar og gerir sveitina mjög vel búna til að takast á við slys utan alfaraleiðar og við hópslys í heimabyggð. Í dag eru 15 félagar sveitarinnar með menntun í fyrstu hjálp og notkun á búnaði sem þessum.

Við færum tónlistarfólkinu og skipuleggjendum bestu þakkir fyrir þeirra framlag og öllum þeim bæjarbúum sem komu á tónleikanna eða styrktu verkefnið með frjálsum framlögum.

Þau sem komu fram á tónleikunum voru:

Karlakórinn í Fjallabyggð,
Rafn Erlendsson,
Guito og Steini,
Landabandið,
Hófí,
Eva Karlotta, Ragna Dís og Fannar,
Ræningjarnir,
Dúo Brazil,
Þórarinn Hannesson og Amalía Þórarinsdóttir,
Þorsteinn Sveinsson,
Leó Ólason,
Margrét Brynja Hlöðvesdóttir,
Þorsteinn Bjarnason.

Hjartans þakkir til ykkar allra.

Björgunarsveitin Strákar

 

Mynd og texti: Aðsent.