KF + Siglósport = Hummel


KF og Siglósport hafa gert með sér samning um að KF spili í Hummelbúningum næstu þrjú árin. Það er mjög svo ánægjulegt að þessi samningur sé orðinn að veruleika, bæði fyrir félagið sem og Siglósport. Með samningnum mun Siglósport sjá um búningamál félagsins og munu foreldrar geta farið í búðina og pantað sér búning og látið merkja.

Miðvikudaginn 12. nóvember, á milli kl. 17.00 og 20.00, er mátunardagur í Siglósport. Iðkendur og foreldrar eru hvattir til að kíkja í verslunina og máta fatnaðinn sem er tilvalin jólagjöf en stefnt er að því að vörurnar verði tilbúnar til afhendingar fyrripartinn í desember. Við hvetjum líka þau sem æfa knattspyrnu yfir sumartímann til að nýta tækifærið og ganga frá mátun og kaupum á fatnaðinum.

Þess má geta að KF og Tennis- og badmintonfélag Siglufjarðar (TBS) munu samnýta utanyfirgallann þannig að börn og unglingar sem stunda báðar íþróttagreinar geta nýtt gallann bæði í tengslum við knattspyrnuna sem og badmintonið. Þeir foreldrar sem eiga börn sem einungis stunda badminton hjá TBS eru að sjálfsögðu velkomnir á mátunardaginn og geta þar gengið frá pöntun á utanyfirgallanum.

Hér má sjá það sem um ræðir: buxur, keppnistreyja, peysa, sokkar og stuttbuxur.

Með kveðju frá KF.

Mynd: Úr safni.
Texti: Aðsendur.


Tagged: , ,


SIGLFIRÐINGUR.IS | Sími: 899 0278 | Netfang: sae@sae.is