Jólakortakvöld hjá Fríðu


Það verður æ sjaldgæfara að fólk sendi jólakort önnur en rafræn, ef þá nokkur. Fríðu Björk Gylfadóttur og mörg fleiri langar að breyta þessu til fyrra horfs, enda óneitanlega ákveðin stemmning sem fylgir því að skrifa á kort og ekki síður gaman að fá þau.

Annað kvöld, fimmtudaginn 30. nóvember, frá kl. 19.00 til 22.00, blæs hún því til jólakortakvölds í hinu afslappaða og þægilega umhverfi súkkulaðikaffihússins við Túngötuna. Spákonan Sunna Árnadóttir kemur kl. 20.00 frá Akureyri og getur kannski spáð fyrir um hvað verður í jólapökkunum í ár.

Mynd og texti: Sigurður Ægisson | sae@sae.is.
Auglýsing: Aðsend.


SIGLFIRÐINGUR.IS | Sími: 899 0278 | Netfang: sae@sae.is