Íbúum Fjallabyggðar fjölgar


Samkvæmt tölum Þjóðskrár Íslands fjölgaði íbúum Fjallabyggðar um nítján frá 1. desember í fyrra til 1. júlí á þessu ári. Fjölgunin er 0,9%, sem er mjög nálægt landsmeðaltali, sem er 1%. Íbúar sveitarfélagsins eru í dag 2.023 talsins.

Hlutfallsleg fjölgun á Norðurlandi eystra var 0,3% á tímabilinu, þannig að Fjallabyggð er vel yfir fjölguninni í landshlutanum og mjög nálægt landsmeðaltalinu, eins og áður segir.

Mynd: Jónas Ragnarsson │ jr@jr.is.
Texti: Sigurður Ægisson │ sae@sae.is.

image_print

SIGLFIRÐINGUR.IS | Sími: 899 0278 | Netfang: sae@sae.is