Hjónavígsla og skírn


Laugardaginn 5. maí síðastliðinn voru hjónavígsla og skírn í Siglufjarðarkirkju. Gefin voru saman Kári Arnar Kárason og Kristín Inga Þrastardóttir. Þau búa að Rauðavaði 5 í Reykjavík. Svaramenn voru Ragnar Þór Kárason og Þröstur Ingólfsson. Jafnframt var sonur þeirra færður til skírnar. Hann fékk nafnið Þröstur Leó. Hann á tvær eldri systur, Söru Björk, 8 ára, en hún las ritningarlestra og upplýsti um nafn bróður síns er þar að kom, og Írisi Huldu, sem verður 6 ára á árinu. Báðar voru þær brúðarmeyjar og báru inn hringana í giftingarathöfninni. Skírnarvottar voru Guðfinna Skarphéðinsdóttir, Linda Dröfn Káradóttir og Þröstur Ingólfsson.

Um tónlistina sáu tveir nafnar, Eyþór Ingi Jónsson, organisti við Akureyrarkirkju, og Eyþór Ingi Gunnlaugsson, Dalvíkingur og Júróvisíónfari.

Siglfirðingur.is óskar fjölskyldunni innilega til hamingju með daginn.

Myndir: Kristín Sigurjónsdóttir | kristin@ksart.is.
Texti: Sigurður Ægisson | sae@sae.is.

image_print

SIGLFIRÐINGUR.IS | Sími: 899 0278 | Netfang: sae@sae.is