Gráa skipið


Grátt skip hefur undanfarna daga verið á siglingu út og inn fjörðinn, nokkurn veginn stanslaust, og vafalaust hefur margur Siglfirðingurinn velt fyrir sér hvað það eiginlega væri að gera.

Að sögn Ármanns Viðars Sigurðssonar, deildarstjóra tæknideildar Fjallabyggðar, er þarna um að ræða dýpkunarskipið Galilei 2000 frá Belgíu sem er að vinna við dýpkun á innsiglingu að nýja kantinum á Hafnarbryggju, öðru nafni Bæjarbryggju, á Siglufirði. Dýpkað verður í 9 metra. Ætlunin er að nota efnið sem kemur upp í landfyllingu norðan við Hafnarbryggjuna og yrði þar ný lóð undir hafsækna starfsemi.

galilei2000_01

Myndir og texti: Sigurður Ægisson | sae@sae.is.



SIGLFIRÐINGUR.IS | Sími: 899 0278 | Netfang: sae@sae.is