Gönguferð að Evanger


Í tilefni evrópsku menningarminjadaganna 2017 býður Minjastofnun Íslands upp á fjölbreytta viðburði víða um land 7.-14. október. Í ár er þemað „Minjar og náttúra“. Allir viðburðirnir eru í höndum fyrirmyndaraðila sem starfa með menningarminjar og mun Örlygur Kristfinnsson leiða göngu um minjasvæði Evangerverksmiðjunnar á Siglufirði á morgun, laugardag. Lagt verður af stað kl. 13.00 frá gamla flugvellinum við Ráeyri. Þátttaka er ókeypis og allir velkomnir.

Nánari upplýsingar um viðburðina má finna á heimasíðu Minjastofnunar.

Síldarminjasafnið greinir frá.

Mynd: Minjastofnun.
Texti: Síldarminjasafn Íslands / Sigurður Ægisson | sae@sae.is.


SIGLFIRÐINGUR.IS | Sími: 899 0278 | Netfang: sae@sae.is