Fundur um þjóðhags- og verðbólguspá Landsbankans


Landsbankinn efnir til fundar á Sigló Hótel, Snorragötu 3, í dag, miðvikudaginn 1. júní, kl. 17.30, um uppfærða þjóðhags- og verðbólguspá bankans til ársins 2018. Á fundinum verður einnig fjallað um lausafjárstýringu fyrirtækja, aflandskrónuútboð Seðlabankans, uppbyggingu á Siglufirði og fleira.

Dagskrá fundarins er þessi:
·         Ari Skúlason, hagfræðingur á Hagfræðideild Landsbankans, fer yfir uppfærða þjóðhags- og verðbólguspá Landsbankans. Hann mun einnig  fjalla um þróun fasteignamarkaðarins um þessar mundir þar sem komið verður inn á stöðu og þróun á Norðurlandi og stærstu bæjum þar.
·         Kristín Erla Jóhannsdóttir, forstöðumaður Eignastýringar Landsbankans, kynnir kosti í lausafjárstýringu fyrirtækja og leitast við að svara spurningunni: Hvers vegna er eignastýring fyrir alla?
·         Rósa Björgvinsdóttir, forstöðumaður hjá Landsbréfum, fer yfir stöðu og þróun á innlendum verðbréfamörkuðum og fyrirhugað aflandskrónuútboð Seðlabankans.
·         Þröstur Þórhallsson fasteignasali kynnir endurbyggingu á gamla gagnfræðaskólanum á Siglufirði sem hann hefur endurgert sem íbúðahúsnæði.
·         Fundarstjóri verður Arnar Páll Guðmundsson útibússtjóri Landsbankans á Akureyri.

Áhugasamir eru beðnir um að skrá sig á fundinn á þessari vefslóð.

Mynd: Sigurður Ægisson | sae@sae.is.
Texti: Aðsendur.

image_print


SIGLFIRÐINGUR.IS | Sími: 899 0278 | Netfang: sae@sae.is