Forstjóri nýrrar Heilbrigðisstofnunar Norðurlands skipaður


?Kristján Þór Júlíusson heilbrigðisráðherra hefur skipað Jón Helga Björnsson forstjóra nýrrar Heilbrigðisstofnunar Norðurlands sem tekur til starfa 1. október. Skipunin byggist á mati lögbundinnar nefndar sem mat hæfni umsækjenda. Jón Helgi hefur gegnt embætti forstjóra Heilbrigðisstofnunar Þingeyinga frá árinu 2007.? Þetta segir á heimasíðu Velferðarráðuneytisins.

Og ennfremur:

?Forstjórar heilbrigðisstofnana eru skipaðir af ráðherra til fimm ára í senn. Samkvæmt lögum um heilbrigðisþjónustu skal þriggja manna nefnd meta hæfni umsækjenda um stöður forstjóra heilbrigðisstofnana. Hæfnisnefndin mat Jón Helga hæfastan þeirra átta sem sóttu um embættið. Í umsögn hæfnisnefndar er m.a. bent á að Jón Helgi hafi víðtæka reynslu sem stjórnandi í atvinnurekstri og hafi leitt umfangsmiklar skipulagsbreytingar á þeim vettvangi. Í núverandi starfi hafi hann mætt kröfum um hagræðingu og endurskipulag með góðum árangri. Þá kemur fram að hæfnisnefndin hafði áður metið Jón Helga vel hæfan til starfa sem forstjóri Sjúkrahússins á Akureyri.

Nýja stofnunin verður til við sameiningu heilbrigðisstofnananna á Blönduósi, Sauðárkróki, Fjallabyggð, heilsugæslustöðvarnar á Dalvík og Akureyri og Heilbrigðisstofnun Þingeyinga.?

Umsækjendur voru átta talsins:

    ?    Anna Sigurbjörg Gilsdóttir, framkvæmdastjóri hjúkrunar.

    ?    Bjarni Kr. Grímsson, verkefnastjóri.

    ?    Guðlaug Gísladóttir, viðskiptastjóri.

    ?    Hafsteinn Sæmundsson, forstjóri.

    ?    Herdís Gunnarsdóttir, verkefnastjóri.

    ?    Jóhann F. Friðriksson, framkvæmdastjóri.

    ?    Jón Helgi Björnsson, forstjóri.

    ?    Jónas Vigfússon, fyrrverandi sveitarstjóri.

Jón Helgi Björnsson.

Mynd: Fengin af Netinu.

Texti: Velferðarráðuneytið / Sigurður Ægisson | sae@sae.is.


SIGLFIRÐINGUR.IS | Sími: 899 0278 | Netfang: sae@sae.is