Erfiðir mánuðir


Síðustu tveir mánuðir rúmir hafa verið erfiðir þeim sem búa yst á norðanverðum Tröllaskaga, þeir hvorki komist lönd né strönd langtímum saman, og eru íbúarnir nú teknir að velta því fyrir sér hversu oft vegirnir til og frá Siglufirði hafi eiginlega verið lokaðir á því tímabili. Siglfirðingur.is ákvað í morgun að senda fyrirspurn þessa efni til Vegagerðarinnar og fékk svar litlu síðar. Þar kom í ljós að frá 10. desember 2019 og til þessa dags hefur Siglufjarðarvegur verið lokaður 22 sinnum og frá 10. desember 2019 til 10. febrúar 2020 Ólafsfjarðarvegur 13 sinnum.

Inni í þessum tölum eru ekki tilkynningar á heimasíðu Vegagerðarinnar um óvissustig vegna snjóflóðahættu á Siglufjarðarvegi og ekki heldur SMS-sendingar um óvissustig á Múlavegi, sem hafa verið fjölmargar, þar af ein í gærkvöldi. Þegar þetta er skrifað, kl. 13.40, er óvissustig beggja vegna, eins og sjá má á forsíðumyndinni hér fyrir ofan.

Nánari upplýsingar um lokanirnar má sjá í meðfylgjandi töflu.

Mynd og tafla: Vegagerðin.
Texti: Sigurður Ægisson │ [email protected]

image_print

SIGLFIRÐINGUR.IS | Sími: 899 0278 | Netfang: [email protected]