Er að rifna úr stolti og gleði


Kvikmyndin Eldfjall heldur áfram sigurgöngu sinni. Nú var hún að hljóta Gullna úlfinn í Kanada, auk fleiri verðlauna. Spennandi verður að sjá hvað gerist á Óskarsverðlaunahátíðinni er þar að kemur.

Á Mbl.is í dag er eftirfarandi frétt um þessar nýjustu rósir í hnappagatið. Þar segir:

??Við erum öll að rifna úr stolti og gleði,? segir leikstjórinn Rúnar Rúnarsson en kvikmynd hans Eldfjall hlaut Gullna úlfinn, fyrstu verðlaun, á kvikmyndahátíðinni í Montréal auk gagnrýnendaverðlauna. Þá hlaut hún silfurverðlaun á kvikmyndahátíð í Chicago um síðustu helgi. Hann segir velgengnina hafa farið fram úr björtustu vonum.

Rúnar segir myndina vera á leiðinni á fjölmargar kvikmyndahátíðir og sjálfur komist hann ekki nema á hluta þeirra. ?Ég þyrfti að klóna sjálfan mig mörgum sinnum ef ég ætti að fylgja myndinni út um allt,? segir Rúnar. Eftir helgi fer hann á tvær hátíðir á Spáni, því næst fer hann til Úkraínu og Þýskalands. ?Ég er í ferðatöskum fram að jólum!?

Meðfram ferðalögum á kvikmyndahátíðir er Rúnar að undirbúa nýtt handrit. ?Sú mynd verður í anda unglingamynda sem ég hef gert í stuttmyndunum og gerist á litlum stað úti á landi. Þar verður aðalhetjan ekki 67 ára gamall karl heldur 13 ára.??

Sjá líka hér, frá 24. september.

Siglfirðingurinn góðkunni, Theódór Júlíusson, sem Hannes í myndinni Eldfjall.

Mynd: Fengin af Netinu.

Texti: Mbl.is / Sigurður Ægisson | sae@sae.is.


SIGLFIRÐINGUR.IS | Sími: 899 0278 | Netfang: sae@sae.is