Tjón óverulegt en ennþá hvasst


Ekki lék illviðrið Siglufjörð eins grátt og óttast hafði verið og litlar sögur fara af tjóni. Skólaakstur féll þó niður í morgun og enn blæs kröftuglega. Kennsla 5.-10. bekkjar fer fram í starfsstöðvum skólans samkvæmt óveðursskipulagi. Nemendur sem búsettir eru í Ólafsfirði mættu í grunnskólann við Tjarnarstíg og nemendur búsettir á Siglufirði í grunnskólann við Norðurgötu.

Í Ólafsfirði fauk partur úr húsþaki um fjögurleytið í nótt, að sögn lögreglu.

Um hádegisbilið á að hafa dregið mikið úr vindi, að því er lesa má á vef Veðurstofu Íslands.

Perustæði úr nærliggjandi ljósastaur við Aðalgötu.

Svona á þetta að líta út í hádeginu.

Kort: Veðurstofa Íslands (Vedur.is).
Myndir og texti: Sigurður Ægisson | sae@sae.is.

image_print


SIGLFIRÐINGUR.IS | Sími: 899 0278 | Netfang: sae@sae.is