Bylting í fjarskiptaöryggi


Neyðarlínan ohf. hefur reist nýtt mastur fyrir fjarskiptasenda við hús Björgunarsveitarinnar Stráka í Siglufirði. Mastrið, sem er 35 metra hátt, er liður í því að bæta öryggi fjarskipta innan fjarðar. Þar munu verða m.a. sendar fyrir Tetrakerfi viðbragðsaðila og farsímafyrirtæki. Einnig hefur verið komið upp aðstöðuhúsi sem mun hýsa vararafstöð fyrir senda og einnig sjá húsnæði og stjórnstöð björgunarsveitarinnar fyrir varaafli. Stefnt er að því að öll farsímafyrirtækin verði með aðstöðu í húsinu og senda í mastrinu.

Verkefnið er liður í viðbrögðum við afleiðingum óveðursins í desember þar sem mikil vandræði sköpuðust með fjarskipti. Þessi framkvæmd er sannkölluð bylting í öryggismálum Siglfirðinga.

Myndir og texti: Ingvar Erlingsson.

image_print

SIGLFIRÐINGUR.IS | Sími: 899 0278 | Netfang: [email protected]