„Bókasafnsdagurinn 2014: Lestur er bestur”


„Bókasafnsdagurinn 2014: Lestur er bestur” verður haldinn 8. september næstkomandi á Alþjóðadegi læsis. Markmið dagsins er tvíþætt:

1.    að vekja athygli á mikilvægi bókasafna í samfélaginu
2.    vera dagur starfsmanna safnanna.

Starfsfólk bókasafnsins vill bjóða íbúum Fjallabyggðar að njóta þessa dags með okkur og hvetjum við alla til að kíkja við þennan dag.

Í Bókasafninu í Ólafsfirði ætlum við að heiðra minningu Aðalheiðar Karlsdóttur frá Garði með því að stilla upp verkum hennar ásamt gömlum úrklippubókum sem gaman er að fletta í. Hugmyndakassi verður settur upp á barnadeildinni þar sem við biðjum fólk um hugmyndir að nafni á nýju fínu barnadeildina. Öll börn fá bókamerki dagsins ásamt lestrardagbók.
Í Bókasafninu í Siglufirði ætlum við að taka í notkun nýtt lesherbergi (fyrrum Bjarnastofu). Þar verður fyrirtaks aðstaða hvort sem er fyrir grúskara eða námsmenn. Nostalgían verður ráðandi þennan dag. Sett verður upp smá sýning á gömlum barnabókum og gömlum siglfirskum tímaritum sem gefin voru út hér á árum áður. Einnig verður hægt að kíkja í gamlar spjaldskrár og pikka á gömlu ritvélina sem notuð var til að merkja safnkostinn.
Í tilefni dagsins ætlum við að bjóða nýjum lánþegum frítt lánþegaskírteini í einn mánuð!

Heitt á könnunni, safar fyrir börnin og smá nasl.

Opið þennan dag frá 9-12 og 13-17.

Með kveðju,
Hrönn Hafþórsdóttir
forstöðumaður bókasafns og héraðsskjalavörður Fjallabyggðar

 

Mynd: Sigurður Ægisson | sae@sae.is.

Texti: Aðsendur.


SIGLFIRÐINGUR.IS | Sími: 899 0278 | Netfang: sae@sae.is