Blúshátíðin í Ólafsfirði haldin í 12. sinn


?Blúshátíðin í Ólafsfirði verður haldin í 12. sinn dagana 30. júní til 2. júlí næstkomandi. Eins og vanalega er vönduð dagskrá með blús í forgrunninn á boðstólum. Það gerist ekki á hverju ári að blúsplötur eru gefnar út á Íslandi, en þessa dagana eru tvær hljómsveitir að gefa út blúsplötu. Það eru Blúsmenn Andreu og Beggi Smári. Báðir þessir aðilar verða gestir blúshátíðar í ár,? segir í frétt sem var að berast.

?Á síðasta ári prófuðum við að halda blússkóla með stuðingi Menningaráðs Eyþings og gekk það mjög vel. Í ár verður það Andrea Gylfa ásamt blúsmönnum sem munu vera með skólann. Stendur hann yfir föstudag og laugardag og endar svo með framkomu þátttakenda á lokakvöldi blúshátíðar.

Ein nýjung í ár er skemmtun heimamanna. Munu heimamenn stíga á svið fimmtudaginn 30. júní þar sem leikin verða lög KK og Magga Eiríks ásamt öðrum blús í bland.

Dagskrána og nánari upplýsingar um hátíðina er að finna á heimasíðu hátíðarinnar: http://blues.fjallabyggd.is. Einnig hefur Magnús Sveinsson, velunnari blúshátíðar, sett saman skemmtilega myndasyrpu til að rifja upp undanfarin ár; sjá hér: http://vimeo.com/25592171.?

Mynd og texti: Aðsent.


SIGLFIRÐINGUR.IS | Sími: 899 0278 | Netfang: sae@sae.is