Blakveisla í Fjallabyggð


Sigló Hótel – Benecta mót BF árið 2017 fer fram í Fjallabyggð um helgina. Mótið er þekkt undir nafninu Siglómótið og hefur farið fram til fjölda ára en með stofnun Blakfélags Fjallabyggðar (BF) síðastliðið vor og styrktarsamning sem félagið var að gera við Sigló Hótel, Genis ehf. og Rauðku ber mótið nafnið Sigló Hótel – Benecta mót BF.

Mótið er eitt af fjölmörgum hraðmótum sem blakfélög halda víðsvegar um landið en mótið sem fram fer nú um helgina er stærsta hraðmót vetrarins. Alls mæta 53 blaklið til leiks og verða spilaðir 136 leikir í íþróttahúsunum í Fjallabyggð.

Á föstudag hefjast leikir um kl. 19.00 og spilað er fram eftir kvöldi. Á laugardag er svo spilað frá kl. 08.00 og áætlað að leikjum ljúki um kl. 18.00. Á laugardagskvöldinu er lokahóf og verðlaunaafhending í Bátahúsinu en svo endar mótið á Rauðku þar sem blakarar nærast og dansa fram eftir kvöldi og nóttu.

Við hvetjum íbúa Fjallabyggðar að kíkja í íþróttahúsin og fylgjast með skemmtilegri og spennandi keppni.

Mynd og texti: Aðsent.


SIGLFIRÐINGUR.IS | Sími: 899 0278 | Netfang: sae@sae.is