Blakhelgi framundan á Siglufirði


Nú um helgina fer fram fyrsta túneringin í Íslandsmóti kvenna í blaki, í 3.-5. deild, í íþróttahúsinu á Siglufirði. Alls mæta til leiks 24 kvennalið víðs vegar að af landinu og eru 8 lið í hverri deild.

Leikir hefjast kl. 08.00 báða dagana og er áætlað að þeim síðustu ljúki kl. 20.00 á laugardeginum og kl. 16.00 á sunnudeginum.

Tvö heimalið taka þátt á mótinu undir merkjum Glóa, en það er annars vegar Súlur sem spila í 4. deild og hins vegar Skriður sem spila í 5. deild.

Á laugardeginum er áætlað að Skriður spili kl. 10.00, 14.00 og 18.00 en Súlur kl. 11.00, 15.00 og 19.00. Á sunnudeginum spila Skriður kl. 10.00 og 14.00 en Súlur kl. 11.00 og 15.00.

Bæjarbúar eru hvattir til að kíkja í íþróttahúsið á Siglufirði um helgina og hvetja liðin áfram en blakíþróttin er gríðarlega vinsæl í Fjallabyggð og kringum 100 iðkendur sem hana stunda.

Mynd: Fengin af Netinu.
Texti: Aðsendur.



SIGLFIRÐINGUR.IS | Sími: 899 0278 | Netfang: sae@sae.is