Blakhátíð á Siglufirði


Um helgina fer fram þriðja og síðasta túrneringin á Íslandsmótinu í blaki. Í íþróttahúsinu á Siglufirði verður spilað í 2. deild karla og kvenna og munu 18 lið mæta til leiks (9 lið í hvorri deild). Flest liðanna koma af suðvesturhorni landsins en Blakfélag Fjallabyggðar á lið í báðum deildum. Karlaliðið er sem stendur í efsta sæti en konurnar eru að berjast um að halda sæti sínu í deildinni. Bæði lið munu spila sex leiki um helgina en alls verða spilaðir 49 leikir.

Á föstudagskvöldinu verður spilaður einn leikur en hann hefst kl. 20.00 og er á milli BF og UMF Eflingar í 2. deild karla.

Á laugardeginum hefjast leikir kl. 09.00 en leikir BF liðanna þá eru:
10.10 BF – Stjarnan 2 (karla)
12.30 BF – HK C (kvenna)
14.50 BF – HK C (karla)
16.00 BF – HK H (kvenna)

Á sunnudeginum hefjast leikir kl. 08.30 en leikir BF liðanna þá eru:

08.30 BF – Hrunamenn (kvenna)
10.50 BF – Álftanes/Stjarnan (karla) og BF – Bresi (kvenna)
13.10 BF – Keflavík (karla) og BF – HK F (kvenna)
16.40 BF – UMF Laugdælir (karla) og BF – Afturelding C (kvenna)

Að loknum síðustu leikjum á sunnudeginum verður verðlaunaafhending þar sem m.a. deildarmeistarar verða krýndir.

BF hvetur bæjarbúa að fjölmenna í íþróttahúsið á Siglufirði, horfa á skemmtilega íþrótt og hvetja heimaliðin til dáða. Inngangur fyrir áhorfendur er að sunnanverðu.

Myndir og texti: Aðsent.


SIGLFIRÐINGUR.IS | Sími: 899 0278 | Netfang: sae@sae.is