Berjadagar í 19. sinn


Tónlistarhátíðin Berjadagar fer fram í Ólafsfirði 17.-19. ágúst. Á hverju kvöldi verða klassískir tónleikar og ýmsir viðburðir í boði á daginn. Dagskráin er fyrir alla aldurshópa og ókeypis aðgangur fyrir 18 ára og yngri. Opnunartónleikarnir „Líttu sérhvert sólarlag“ verða í Ólafsfjarðarkirkju á fimmtudagskvöldinu þar sem flutt verða þekkt ljóð og aríur. Á föstudagskvöldinu verða kammertónleikarnar „Reimleikar“ í kirkjunni og „Stelpurófan rappar fyrir börn og unglinga“ á laugardeginum.

Gestir eru hvattir til að tryggja sér miða á  „Tapas og tónlist í Tjarnarborg“ sem fram fer laugardagskvöldið 19. ágúst í Menningarhúsinu, þar sem gestir munu gæða sér á tapasréttum og ljá suðrænni tónlist eyra. Bjarni Frímann Bjarnason kemur fram ásamt glæsilegum hópi tónlistarmanna og söngvara. Sérstakur gestur hátíðarinnar að þessu sinni er þýska söngstjarnan Frédérique Friess. Klykkt er út með Berjamessu og gönguferð sunnudaginn 20. ágúst.

Aðgangsverð á alla hátíðina og staka viðburði:

  • Miði á staka tónleika í kirkjunni: 3.000 kr. Ókeypis fyrir börn og unglinga 18 ára og yngri.
  • Stakur miði á „Tapas og tónlist í Tjarnarborg“: 6.500 kr. en 1.500 kr. fyrir börn 18 ára og yngri.
  • Hátíðarpassi á alla viðburði ásamt veitingum í Tjarnarborg: 9.500 kr.

Miðasala fer fram á tix.is og við innganginn í Ólafsfjarðarkirkju.

Upplýsingar um miðakaup: berjadagar.artfest@gmail.com, gistihusjoa@gmail.com og í síma 615-2231 (Ólöf).

Nánari upplýsingar um listamann á heimasíðu og Facebook-síðu: www.berjadagar-artfest.com, https://www.facebook.com/berjadagar/.

Siglfirðingur.is mun kynna viðburðina betur þegar nær dregur.

Mynd og texti: Aðsent.


SIGLFIRÐINGUR.IS | Sími: 899 0278 | Netfang: sae@sae.is