Alþýðuhúsið á laugardag


Laugardaginn 6. maí kl. 15.00-17.00 opnar Gústav Geir Bollason sýningu í Kompunni, Alþýðuhúsinu á Siglufirði.

Gústav Geir Bollason býr og starfar á Hjalteyri við Eyjafjörð, þar sem að hann hefur jafnframt umsjón með listamiðstöð í gömlu síldarverksmiðjunni. Hann lærði myndlist við MHÍ Reykjavík, Magyar Képzőművészeti Egyetem Budapest 89-90 og við ENSAPC Paris/Cergy. Hann hefur sýnt á Íslandi, í Evrópu og í Ameríku bæði í myndlistarrýmum og á kvikmyndahátíðum. Kvikmyndin Carcasse sem var frumsýnd í Rotterdam í Janúar 2017 verður sýnd á Kinodot Experimental Film Festival í Saint Petersburg 20.-21. maí næstkomandi.

Verk Gústavs Geirs Bollasonar taka helst á sig form teikninga, umsköpunar á fundnum hlutum, og kvikmynda. Krókleiðis stefnir hann saman aðferðum og viðfangsefnum svo að úr verður skáldskapur – útfærsla á raunveruleikanum. Til þess að prófa skynjunina á umhverfinu og gefnum hugmyndum um það.

„Speed-ups“ eru lúnir skúlptúrar. Mekanismi eða nokkurskonar stundaglös sem hafa virkni en þarfnast afskipta áhorfenda.

Mynd og texti: Aðsent.


SIGLFIRÐINGUR.IS | Sími: 899 0278 | Netfang: sae@sae.is