Afmælisdagur Siglufjarðar


Á þessum degi, 20. maí, árið 1818 samþykkti Friðrik konungur sjötti tilskipun um að Siglufjörður í Eyjafjarðarsýslu skyldi vera löggiltur verslunarstaður. Hundrað árum síðar, 20. maí 1918, fengust kaupstaðarréttindi.

Gaman er að skoða siglfirska blaðið Fram frá árinu 1918, þegar fjallað er um afmælið og hátíðahöldin. Snemma að morgni 20. maí var skotið af fallbyssu og ?lúðraflokkur? frá Akureyri lék lög. Skrúðganga barna var frá Hvanneyri að Barnaskólanum. Drengir og fullorðnir þreyttu ?kapphlaup? og kl. 11 var guðsþjónusta í kirkjunni ?sem ekki rúmaði nærri því alla er þar vildu vera?. Eftir hádegið voru lögð blóm að leiðum þriggja merkismanna í nýja kirkjugarðinum og þriggja í Hvanneyrarkirkjugarði. Skrúðganga var að hátíðarsvæðinu við Barnaskólann og ?var fáni Íslands borinn þar fyrir?. Þegar þjóðsöngurinn hafði verið sunginn var flutt ?nýorkt hátíðakvæði eftir Matthías Jochumson með nýsömdu lagi eftir séra Bjarna Þorsteinsson?. Bjarni flutti ræðu fyrir minni Siglufjarðar, fleiri ræður voru fluttar og sungnir ættjarðarsöngvar. Í leikfimishúsi Barnaskólans var síðan ?dansleikur er hélst framundir morgun?.

Texti: Jónas Ragnarsson | jr@jr.is


SIGLFIRÐINGUR.IS | Sími: 899 0278 | Netfang: sae@sae.is