Á bolfiskveiðum fram í apríl


Múlaberg SI 22 verður á bolfiskveiðum fyrir vinnslu Rammans í Þorlákshöfn fyrstu 2-3 mánuði ársins.
Eftir það fer skipið aftur á rækjuveiðar frá Siglufirði. Múlabergið
hefur verið að koma með á milli 60 og 70 tonn að landi í viku hverri og
er það þorskur, ufsi, karfi og eitthvað af ýsu.

Að sögn Jóns Páls
Kristóferssonar, rekstrarstjóra Ramma hf. í Þorlákshöfn, mun þetta
tryggja verkefnastöðu félagsins fram í apríl þegar humarvinnsla
félagsins hefst. Mest af því sem Múlabergið kemur með að landi fer í
vinnslu félagsins í Þorlákshöfn og eitthvað fer á markað.

Múlaberg SI 22.

[Fréttin birtist upphaflega á Sunnlenska.is í gær, 2. febrúar 2011, kl. 10.00.]

Mynd: Rammi.is

Texti: Sunnlenska.is


SIGLFIRÐINGUR.IS | Sími: 899 0278 | Netfang: sae@sae.is