2,3 milljón skammtar


Nú í vikunni verður landað úr báðum frystiskipum Ramma hf. á Siglufirði eftir mánaðarlanga veiðiferð í Barentshaf. Afli Mánabergs er 830 tonn úr sjó og Sigurbjargar 620 tonn. Langmest af framleiðslunni er selt til Bretlands þar sem fiskurinn er notaður í þjóðarréttinn „fish and chips“. Því lætur nærri að 2,3 milljón skömmtum af þorski í „fish and chips“ verði landað hér á Siglufirði nú í vikulok.

Samhliða löndun er unnið að viðhaldi á skipunum og næst á verkefnaskrá þeirra eru svo makrílveiðar.

Mynd: Fengin af Netinu.
Texti: Sigurður Ægisson | sae@sae.is.



SIGLFIRÐINGUR.IS | Sími: 899 0278 | Netfang: sae@sae.is