2. sætið


Lið Siglfirðingafélagsins tapaði með einu stigi fyrir Átthagafélagi Vestmannaeyinga í Reykjavík í úrslitum í Spurningakeppni átthagafélaganna í gærkvöldi, 17-16, og hafnaði í öðru sæti. Það er frábær árangur en keppnin var hörkuspennandi allan tímann og sigurinn hefði getað lent báðum megin. En annað sætið er okkar, og við erum að sjálfsögðu ánægð með það. Sérstaklega erum við lukkuleg með það að eiga svona flott lið sem er tilbúið að leggja á sig töluverða vinnu til að taka þátt í keppninni fyrir okkar hönd en liðið skipuðu þau: Ásdís Jóna Sigurjónsdóttir, Jónas Ragnarsson, Ragnar Jónasson og Skúli Þór Jónasson.

Lið Húnvetninga hafnaði í þriðja sæti og lið Svarfdæla/Dalvíkinga í því fjórða.

Hér fyrir ofan er mynd af liðinu ásamt formanni Siglfirðingafélagsins, Rakel Björnsdóttur.

Hér má sjá liðin sem hrepptu fjögur fyrstu sætin.

Myndir og texti: Aðsent.

image_print


SIGLFIRÐINGUR.IS | Sími: 899 0278 | Netfang: sae@sae.is