Grunnskóli Fjallabyggðar tekur nú þátt í átakinu Göngum í skólann sem Íþrótta- og Ólympíusamband Íslands, Umferðarstofa, Ríkislögreglustjórinn, Menntamálaráðuneytið, Slysavarnafélagið Landsbjörg, Lýðheilsustöð og Heimili og skóli standa að. Þetta er í þriðja skiptið sem skólar á Íslandi taka þátt í þessu alþjóðlega verkefni. Því er ætlað að hvetja nemendur, foreldra og starfsmenn skóla til að ganga, hjóla, fara á línuskautum eða á annan virkan hátt til og frá skóla.

Meira

Ólafur Ragnarsson var fæddur á Siglufirði 8. september 1944. Það er því við hæfi að birta grein um texta hans, Á sjó, á þessum degi. Ólafur lést vorið 2008, eftir hetjulega baráttu við erfiðan sjúkdóm. Að loknu verslunarskólaprófi kenndi Ólafur einn vetur við Barnaskóla Siglufjarðar, gerðist síðan blaðamaður hjá Alþýðublaðinu og var einn af fyrstu starfsmönnum Sjónvarpsins. Þar var hann fréttamaður í mörg ár, var ritstjóri Vísis og stofnaði síðan bókaútgáfuna Vöku, sem sameinaðist Helgafelli og fleiri útgáfum. Ólafur var einn þekktasti bókaútgefandi landsins, en samdi einnig nokkrar bækur. Sjá nánar undir Greinar.

Meira

Hagsmunaaðilar í ferðaþjónustu við Tröllaskagann, þ.e. Skagafirði, Fjallabyggð og Dalvíkurbyggð, funduðu í síðustu viku á Brimnes hóteli á Ólafsfirði til að stilla saman strengi fyrir komandi tíma. Frummælendur voru Freyr Antonsson hjá Bátaferðum sem hafði frumkvæði að þessum fundi og Ásbjörn Björgvinsson frá Markaðsstofu ferðamála á Norðurlandi en markvisst var rætt um Tröllaskagann sem komandi ferðamannastað með aukningu umferðar erlendra sem innnlenda ferðamanna.

Meira

Kom í ljós að þetta voru leikskólakrakkar af Selskál í óvissuferð í blíðviðrinu.

 

Meira

Í dag var hafist handa við að brjóta og fjarlægja gangstéttina norðan við Túngötu 43, en þar á að koma ný.

„Já, þetta er hluti af stærra verkefni,” sagði Sveinn H. Zophoníasson, þegar fréttamaður innti hann eftir því hvað væri um að vera. Þetta er á vegum Fjallabyggðar, en Bás er þar verktaki.

Meira

Í dag er ágætis veður í Siglufirði, en ekki eins flott samt og í gær. Þá kl. 17.00 brugðu Kristín Einarsdóttir og Sigurður Hlöðversson sér á kajak í Hvanneyrarkróknum, og fleygðu sér aukinheldur til sunds að því loknu, fyrir augum nokkurra spenntra áhorfenda sem áttu erfitt með að hemja sig - vildu greinilega út í líka. Og létu reyndar verða af því.

Meira

Enn einn daginn er sól og blíða í Siglufirði. Fréttamaður skrapp á rúntinn í morgun, þó ekki væri nema til að upplifa dýrðina.

Ja, hérna.

Meira

Nýjar upplýsingar, mjög svo áhugaverðar, tengdar ljósmyndinni af máfinum og fiskinum í gær voru að berast Siglfirðingi.is rétt í þessu. Þær eru frá Jóhanni G. Landmark á Akranesi. Hann kveðst minnast þess að hafa einn veturinn fundið tvo ála, frosna í tjörn, sem var fyrir neðan Ráeyri, rétt fyrir norðan hænsnahús Nörgaards.

Meira

Máfar þurfa að borða eins og aðrar lifandi verur og eru dálítið glúrnir í veiðiskap sínum, og éta auk þess flest sem að goggi kemur. Sveinn Þorsteinsson náði mynd af einum í dag austan Leiruvegar, sem út af fyrir sig væri tæpast í frásögur færandi, nema fyrir það að hann virtist vera búinn að næla sér í ál. Og það gæti vel staðist.

Meira

Það hefur verið sólrastrandafílingur í ungu kynslóðinni okkar í dag, enda veðrið þesslegt, og ýmislegt verið gert til að halda upp á blíðuna en um leið að kæla sig niður, af og til, enda hitinn í um 20 gráðum. Einhver barnanna og unglinganna hafa leitað til sjávar í þeim tilgangi á meðan öðrum hefur þótt fýsilegra að busla í ísköldu ferskvatninu.

Meira